ប្រសិនបើលោកអ្នកគឺជានិស្សិតផ្នែកជីវសាស្ត្រ រឺកាយវិភាគសាស្ត្រ លោកអ្នកពិតជាពេញចិត្តនឹង Google Body ជាមិនខាន។ Google Body គឺជាកំណែប្រែថ្មី និងជាគំនិតថ្មីមួយដែលគួរឲ្យចាប់អារម្មណ៍ពី Google។ ការប្រើប្រាស់ Google Body គ្រប់គ្នាអាចរកមើលផ្នែកផ្សេងៗនៃរាង្គកាយមនុស្ស។ លោកអ្នកអាចជ្រើសរើស សរីរាង្គស្រី រឺប្រុស ជ្រើសរើសសរីរាង្គ ជ្រើសរើសគ្រោងឆ្អឹង បង្រួមចូល និងចែករំលែកអ្វីដែលបានឃើញទៅលើ Twitter រឺ Google Buzz បានផងដែរ។ Google Body ប្រើបច្ចេកវិទ្យា WebGL ហើយអាចប្រើប្រាស់បាននៅលើ Firefox 4 រឺក៏ខ្ពស់ជាងនេះ និង Google Chrome 10 រឺខ្ពស់ជាងនេះ តែប៉ុណ្ណោះ។ សូមចុចលើតំណភ្ជាប់នេះ http://bodybrowser.googlelabs.com/ ។
Google Body នឹងធ្វើការទាញយកទិន្នន័យដ៏ច្រើនសន្ធឹកសន្ធាប់ជាលើកដំបូង ដូច្នេះពីរបី នាទីដំបូងលោកអ្នកនឹងមិនអាចឃើញអ្វីនោះទេ។ ក្រោយពីទាញយកទិន្នន័យបានម្តងរួចមក លើកក្រោយគឺវាមិនចាំបាច់ទាមទារទិន្នន័យបន្ថែមនោះទេ។ នៅពេលបើកគេហទំព័រ Google Body ដំបូង លោកអ្នកនឹងឃើញការបង្ហាញសរីរាង្គមនុស្សស្រី។ លោកអ្នកអាចបង្វិលរាង្គកាយមនុស្សទៅតាមទិសដែលលោកអ្នកចង់បាន។
នៅផ្នែកខាងឆ្វេង គឺជាមីនុយភ្ជាប់ជាមួយនឹង បន្ទះរំកិល (Slider) ។ មីនុយមានជម្រើសផ្សេងៗ ដូចជាបង្ហាញរាង្គកាយពេញ គ្រោយឆ្អឹង សាច់ដុំ បេះដូង សរសៃប្រសាទ និងសាច់ដុំជាដើម។
No comments:
Post a Comment