ប្រសិនបើលោកអ្នកមាន អ៊ីម៉ែល និងទំនាក់ទំនង(Contact) ជាច្រើននៅក្នុងគណនីអ៊ីម៉ែល ចាស់ ក្រោយមកលោកអ្នកបានប្តូរមកប្រើគណនី Gmail វិញ ហើយលោកអ្នកចង់ចម្លង អ៊ីម៉ែល និងទំនាក់ទំនងដែលមាននៅក្នុងគណនីចាស់ទាំងអស់មក គណនីថ្មី ។ គណនី Gmail បានបង្កើតលក្ខណៈពិសេសថ្មីមួយដោយអនុញ្ញាតអោយអ្នកអាច ទាញអ៊ីម៉ែល និងទំនាក់ទំនង ពីគណនីចាស់ៗរបស់លោកអ្នក។
សូមមើលពីវិធីចម្លងដូចខាងក្រោម៖
- ចុចលើតំណនេះ http://mail.google.com/ បន្ទាប់មកចូលទៅគណនី Gmail របស់លោកអ្នក។
- ចុចលើរូបស្ពឺ បន្ទាប់មកជ្រើសយក Mail Setting នៅខាងស្តាំផ្នែកខាងលើ។
- ចុចលើរបា Accounts and Import ។ បន្ទាប់មកចុចលើប៊ូតុង Import mail and contacts ដូចបានបង្ហាញខាងក្រោម។
- បញ្ចូលអ៊ីម៉ែលគណនីចាស់ដែលលោកអ្នកចង់ចម្លង បន្ទាប់មកចុចប៊ូតុង Continue ។
- បន្ទាប់មកបញ្ចូលពាក្យសម្ងាត់របស់គណនីចាស់ ។ សូមកុំបារម្ភ ពាក្យសម្ងាត់នឹងត្រូវបានរក្សាទុកយ៉ាងសុវត្ថិភាព ហើយនឹងត្រូវលុបចោលភ្លាមៗនៅពេលដែលដំណើរការចប់។
- ជ្រើសរើសនូវ ជម្រើសនៃការចម្លងណាមួយដែលលោកអ្នកត្រូវការ បន្ទាប់មកចុចប៊ូតុង Start import ។
- ការចម្លងត្រូវចំណាយពេល រហូតដល់ពីរថ្ងៃ ទើបចប់ និងបង្ហាញទិន្នន័យនៅក្នុង Inbox។ ការចម្លងនេះគឺដំណើរការនៅលើ Server ដូចច្នេះលោកអ្នកអាចចាកចេញពីគណនី រឺបិទកុំព្យូទ័របាន។
No comments:
Post a Comment