របៀបទាញយកឯកសារពី Google Doc

       ធ្វើការបង្កើតឯកសារនៅលើអ៊ីនធើណេត ពិតជាពិសេសខ្លាំងណាស់។ លោកអ្នកមិន​ចាំបាច់​មាន​​​​កម្មវិធី Office ផ្សេងៗដូចជា Microsoft Office, Open Office រឺ Libre Office​ ដំឡើងនៅក្នុងម៉ាស៊ីន​លោក​អ្នកនោះទេ។ ជំនួសដោយការមកប្រើ Google Doc ដើម្បីបង្កើត កែប្រែ រក្សាទុក និងបោះពុម្ព​ចេញ គ្រប់ប្រភេទឯកសារទាំងអស់។ រាល់ឯកសាររបស់លោកអ្នកដែលបានបង្កើតនៅលើ Google Doc នឹងត្រូវរក្សាទុកនៅក្នុង Google Server ។ ម្យ៉ាងវិញទៀតប្រសិនបើលោកអ្នកចង់ យកឯកសារ​នោះ​មកកែប្រែនៅក្នុងកម្មវិធី Office នៅលើម៉ាស៊ីនរបស់លោកអ្នកវិញនោះ ចាំបាច់ត្រូវតែទាញយក​​ឯកសារនោះចេញពី Google Server យកមកផ្ទុកលើ Hard Disk របស់លោកអ្នកវិញ។
       សូមមើលជំហានខាងក្រោមដើម្បីប្រើ Google Doc:

1. ដំបូងលោកអ្នកត្រូវមាន គណនីនៅក្នុង Google Doc ជាមុនសិន បន្ទាប់មកចូលទៅកាន់​គណនីរបស់លោកអ្នក ដោយចូលទៅកាន់គេហទំព័រ https://docs.google.com/។
2. បន្ទាប់មកចុចលើ All items នៅផ្នែកខាងឆ្វេង។ បន្ទាប់មកសូមធីក ត្រង់ Actions ដើម្បីជ្រើស​រើស​គ្រប់ឯកសារដែលបានរាយនៅខាងក្រោម។
   
   
3. ចុចលើប៊ូតុង Download ដើម្បីទាញយក។
   
4. បន្ទាប់មកផ្ទាំង Convert and Download បានបង្ហាញឡើង។ សូមចុចលើ All items បន្ទាប់មក​ជ្រើស​រើសប្រភេទឯកសារដែលលោកអ្នកចង់បាន។ ចុងបញ្ចប់​សូមចុចប៊ូតុង Download ដើម្បី​​ចាប់ផ្តើមទាញយកឯកសារនោះ។
   
   Google Docs អនុញ្ញាតឲ្យលោកអ្នកទាញយកឯកសារម្តងបានទំហំ 2 Gb។ ឯកសាររបស់​លោកអ្នកនឹង ត្រូវបង្រួមទៅជា Zip ដោយស្វ័យប្រវត្តិ។ លោកអ្នកអាចពន្លាឯកសារនោះ​ចេញមកក្រៅតាមរយៈកម្មវិធី Compress ផ្សេងៗ ដូចជា 7-Zip រឺ Winrar ជាដើម។ ចុងបញ្ចប់​លោកអ្នកអាចធ្វើការកែប្រែវានៅក្នុងម៉ាស៊ីនរបស់លោកអ្នកតាមរយៈកម្មវិធី ដូចជា Microsoft Offce ជាដើម។