ពេលខ្លះយើងពិតជាចង់បំលែងឯកសារមួយប្រភេទ ទៅជាប្រភេទផ្សេងមួយទៀត ឧទាហរណ៍ អាចជា ឯកសារ Office, ឯកសាររូបភាព រឺក៏ឯកសារតន្ត្រីជាដើម។ វិធីតែម្យ៉ាងដែលអាចបំលែងឯកសារទាំងនោះដោយទាញយកកម្មវិធីបំលែងតាមមុខជំនាញនីមួយរបស់វា ពីអ៊ីនធើណេត។ ប៉ុន្តែពេលនេះលោកអ្នកមិនចាំបាច់ទាញយកកម្មវិធីទាំងនោះ ហើយយកមកដំឡើងលើម៉ាស៊ីននោះទេ ប៉ុន្តែជាមួយនឹង Fileminx លោកអ្នកអាចធ្វើការបំលែងទៅគ្រប់ប្រភេទ ឯកសារបាននៅលើអ៊ីនធើណេតដោយឥតគិតថ្លៃ។ លោកអ្នកគ្រាន់តែ Upload ឯកសាររបស់លោកអ្នកដែលត្រូវបំលែង ទៅកាន់ Server និងជ្រើសរើសជម្រើសពីរ រឺបីសម្រាប់ការបំលែង។ ក្រោយពីបំលែងចប់លោកអ្នកអាចទាញយកមកប្រើបានក្នុងរយៈពេលត្រឹមពីរបីនាទីប៉ុណ្ណោះ។
សូមធ្វើតាមការបង្ហាញដូចខាងក្រោមៈ
- សូមចុចលើតំណភ្ជាប់នេះ http://www.fileminx.com/ ។
- ចុចលើប៊ុតុង Browse ដើម្បី Upload ឯកសារពីកុំព្យូទ័ររបស់លោកអ្នកទៅលើ Server។ បន្ទាប់មកចុចប៊ូតុង Continue ដើម្បីបន្ត។
- ផ្ទាំងទីពីរ លោកអ្នកនឹងឃើញពី គោលដៅបំលែងទៅឯកសារផ្សេងៗ។ ជ្រើសរើស ជម្រើសណាមួយដែលជាតម្រូវការរបស់លោកអ្នក។ លោកអ្នកក៏អាចចុចប៊ូតុង Back ប្រសិនបើលោកអ្នកគិតថា លោកអ្នកបាន Upload ឯកសារខុស។
- រយៈពេលនៃការបំលែង គឺអាស្រ័យទៅលើទំហំនៃឯកសារ។ បន្ទាប់ពីការបំលែងចប់សព្វគ្រប់លោកអ្នក អាចទាញយកឯកសារនោះបាន។
No comments:
Post a Comment