លុបកំណត់ត្រា Download ដោយស្វ័យប្រវត្តិក្នុង Firefox

       រាល់ពេលដែលលោកអ្នកទាញយកឯកសារពីអ៊ីនធើណេត នៅក្នុង Mozilla Firefox ដំណើរ​ការ​ទាញ​​យកអាចនឹងបង្ហាញនៅក្នុងផ្ទាំងទាញយក(Download Window)។ នៅពេលដែលទាញយកចប់ កំណត់ត្រា​នៃ​ការទាញយកនឹងរក្សាទុកនៅក្នុង ផ្ទាំងទាញយក រហូតដល់លោកអ្នកចុចលុបវា។ រឿងនេះជារឿងរំខានមួយ ប្រសិនបើលោកអ្នកទាញយកឯកសារច្រើន ជារៀងរាល់ថ្ងៃ។ ដូច្ចេះ​លោកអ្នកអាចកំណត់អោយ Firefox លុបកំណត់ត្រាទាំងអស់នោះបានដោយស្វ័យប្រវត្តិ។
​       សូមមើលពីជំហានៗ នៅខាងក្រោម៖

1. សូមបើក Mozilla Firefox។
2. វាយពាក្យ about:config នៅក្នុងរបាបញ្ចូលអាស័យដ្ឋាន (Address Bar)។
3. Firefox នឹងបង្ហាញផ្ទាំងនេះឡើង។ សូមចុចប៊ូតុង I'll be careful I promise! ដើម្បីបន្ត។
   
   
4. បន្ទាប់មកលោកអ្នកត្រូវធ្វើការស្វែងរក retention ដោយសរសេរពាក្យ retention នៅក្នុងប្រអប់ Filter(ដូចក្នុងរូប) រឺ Search(សម្រាប់ Browser សេរីថ្មី). លោកអ្នកនឹងបាន​ឃើញ​ពាក្យថា​៖ browser.download.manager.retention ។
   
5. តម្លៃរបស់វាជាទូទៅគឺ 2។ សូមចុចលើbrowser.download.manager.retention ពីរដងដើម្បី កែប្រែតម្លៃរបស់វា។ ប្រសិនបើលោកអ្នកចង់លុបកំណត់ត្រាទាញយករាល់ពេលដែល​លោក​អ្នកបិទ​ Firefox នោះ លោកអ្នកត្រូវផ្តល់តម្លៃដល់វាស្មើរនឹង 1។ ប្រសិនបើលោកអ្នកចង់​ឲ្យ Firefox លុបកំណត់ត្រានោះភ្លាមៗ រាល់ពេលដែលការទាញយក(Download) ចប់ លោកអ្នក​ត្រូវផ្តល់តម្លៃដល់វាស្មើរនឹង​ 0។
6. បន្ទាប់ពីកែប្រែតម្លៃរួច សូមបិទ Firefox រូចបើកឡើងវិញ(Restart)។